جنگل

-دیوانه بؤدریم. شاید هینه واسی تازگی مرء از میشل فوکو خوش آنه!! یا ای روزؤن اینقد یاد او " دیوانه از قفس پرید"_ فیلم دکئنم.

-وختی ای "قدرت" ایسسه کی بد و خوب، منفعت و مصلحت، حق و ناحق، معقول و غیر معقول، معیارؤن،ارزشؤن، همه نوع حد و مرزؤن...و حتی بود و نبوده تعیین و محافظت کؤنه؛ نیازدأنی کی ای قدرت و اونه کرد_کار)کارکرد( و اشکاله بشناسی. اله اگر تنم(تو، هم) جه دیوانگان_جلگه (جرگه) ببی، ویشتر نیاز به ای شناخت دأنی. چه هرچی ویشتر چیزیه بشناسی؛ آگاهانه تر تؤنی اون_همرأ مواجه ببی یا ارتباط ویگیری-البته "برخورد نزدیک از نوع سوم"!-(زندگی، سراسر" مواجهه و ارتباط" پدیده ئونه همرأ ایسسه، می منظورایجور برخورده نه اوتو!).

 چرء؟ چون او بیچاره دیوانه، هنجار و ساختارؤن_قدرته شکنه پس قدرت نتؤنه اونه تحمل بوکونی.خا اونه آدم یا بی خطرأ کونی.

با همه ی ای اوصاف، بقول او "هامون"_فیلم_دیوانه:

آزمودم عقل دوراندیش را

 بعد از این دیوانه سازم خویش را

-گرچه نودؤنم چرء کارل اتو آپل بؤته: “بیج خألی او زمت تینه خودا جی سیوا ببون، کی خو-دکالنئنی کار بکونی" )تنها با کنش خود ویرانگری است که ابلیس می تواند از خدا مستقل شود(، اما مو خودم دونم چرء اینه بؤتم.

(صدا و سیما  صداقت و شرافتأ قسم که ای وانویسه سوشمبه شؤ ننویشتم)