جنگل

داستایووسکی گونه انسان موجودی ایسسه که به هممه چه عادت کؤنه

عادت کأدریم  که امی بیجارؤن و امی چایی باغؤن_مئن، ای اجق وجق ساختومؤنونی که اوشون_نؤم ویلا یا خؤنه یا لؤنه  یا...ایسسه بئینیم. بئینیم که هوتو بیجارؤن و چایی باغؤنه فورنن(می بلعند).

عادت کأدریم  که جوک اشتؤسن امی مردوم و زوؤن_رء  طبیعی بئینیم. یعنی اگه یه زمت تلوزیون_مئن یکته فیلم نوشؤن هدن که امرء دست نئیتن، او امر رء غیر عادی اینیم و مجلات_مئن اوشونه جی تشکر کؤنیم.

عادت کأدریم  که امی همسادگی مئن، تهرونی و...بیشتر بئینیم تا گیلک.

عادت کأدریم  که بیکاریأ طبیعی و اشتغالأ استثنأ بئینیم.

عادت کأدریم  که وقتی امی مسؤلین صأب بؤدن(اشتباه کردند)، امه اوشون_جی عذرخواهی بؤکونیم.

امرء عادت هدأدرن به یکسان دئن، یکسان گب زئن، یکسان فهمسن و...یکسان بؤن(بودن).یعنی اگه تو اوشنه جی متفاوت ببی، پس تو ایسسی که خا خجالت بکشی و احساس گناه بؤکونی. ای  تو ایسسی که خا برهوت_مئن زندگی بوکؤنی و بیابؤن_فرهنگ و زندگیأ ویگیری.

بقول زویا پیرزاد عادت کؤنیم...